შემოქმედებითი ფიქრის და ვიზუალური უნარების 6 თვიანი პროგრამა შემოდგომის ნაკადი (26 სექტემბერი, 2025 - 13 თებერვალი, 2026) შექმნილია, როგორც მოსამზადებელი ინტენსიური პროგრამა სკოლის დამამთავრებელი კლასების მოსწავლეებისთვის და სტუდენტებისთვის, ვინც ახლა ირჩევს მომავალ პროფესიას და აპირებს მენეჯმენტის, შემოქმედებითი ინდუსტრიის ან ვიზუალურ სფეროში დასაქმებას.

პროგრამას უძღვება 30-ზე მეტი სპეციალისტი დიზაინის, შემოქმედებითი, მენეჯმენტის, განათლების და ბიზნესის სფეროდან. კურსები ტარდება კვირაში 3-4 შეხვედრის სახით, ფიზიკურ სივრცეში, თეორიული და პრაქტიკული გამოცდილების და ცოდნის ბალანსით.

პროგრამა შექმნილია შემოქმედებითი და ვიზუალური უნარ-ჩვევების სრული სპექტრის შესასწავლად, ადამიანებისთვის, რომლებიც მომავალი პროფესიის ძიებაში არიან, სჭირდებათ პროფესიული ორიენტაცია, ახალი შემოქმედებითი უნარები და ჯერ არ აქვთ პრაქტიკული გამოცდილება.

პროგრამა ეხმარება მოსწავლეებს და სტუდენტებს მომავალი პროფესიის საფუძვლების და დისციპლინების ათვისებაში და მომავალი კარიერის დაგეგმვაში, საკუთარი შემოქმედებითი პოტენციალის აღმოჩენაში. პროგრამის სტუდენტებს შეეძლებათ სრულყოფილად გაიარონ შემოქმედებით ინდუსტრიაში არსებული პროფესიების და დისციპლინების საფუძველი, პრაქტიკულ და თეორიულ ფორმატში იმუშავონ დარგის საუკეთესო სპეციალისტებთან ნამდვილ პროექტებზე, გაიზიარონ ცოდნა და მიიღონ რჩევები ბიზნესის და საჯარო სექტორის წარმომადგენლებისგან. ისწავლონ ვიზუალური ენის საფუძვლები, გაიღრმავონ შემოქმედებითი და წარმოსახვის, ვიზუალიზაციის, კომუნიკაციის უნარი, რაც სამომავლოდ ყველა პროფესიაში გამოადგებათ.