დინა ოგანოვა არის დოკუმენტალისტი ფოტოგრაფი, მენტორი და ხელნაკეთი ფოტოწიგნების ავტორი. მისი ნამუშევრების ძირითადი ხაზი ეხება ქალებისა და გოგონების უფლებებს,ყოველდღიურობას,სოციალურ და პოლიტიკურ მოვლენებს, განსაკუთრებულად მკვეთრად ეს ჩანს მის პერსონალურ,გრძელვადიან პროექტებში, რომელიც გამოირჩევა სიღრმისეული თხრობითა და ძლიერი ვიზუალური ენით.

ის პირველი ქართველი ფოტოგრაფია, რომელიც შეირჩა World Press Photo-ს პრესტიჟულ Joop Swart Masterclass-ში (2013) და არაერთხელ დასახელდა მსოფლიოს გამორჩეულ ახალგაზრდა ფოტოგრაფებს შორის ვისაც თვალი უნდა ადევნონ.

დინა საერთაშორისო დონეზე აღიარებული ავტორია და მიღებული აქვს არაერთი მნიშვნელოვანი ჯილდო - მათ შორის ორჯერ ევროკავშირის პრიზი ჟურნალისტიკაში (2017, 2022).

დინა ოგანოვა არის ავტორი პირველი ქართული ხელნაკეთი ფოტოწიგნისა “ჩემი სივრცე”, (My Place) რომელიც ინახება მსოფლიო კოლექციონერების კერძო კოლექციებში და ასევე მსოფლიოს რამდენიმე მუზეუმში, მათ შორის არის ნიუ-იორკის მეტროპოლიტენი.

მისი პერსონალური,გრძელვადიანი პროექტები - “I Am Georgia “ , “Frozen Waves” “#MeToo” - მსოფლიოს სხვადასხვა ქვეყანაში იყო წარმოდგენილი და დღემდე იფინება.

მისი დევიზია: „გადაღებულია სიყვარულით“