სტრატეგიული დიზაინი გულისხმობს დიზაინ ფიქრის ინსტრუმენტების (მათ შორის კვლევის, პროტოტიპირებისა და ტესტირების) გამოყენებას და ეხმარება პროფესიონალებს შეიმუშაონ გადაწყვეტილებები, რომლებიც ეფუძნება მომხმარებლის საჭიროებებს და ამავდროულად პასუხობს ფართო ორგანიზაციულ მიზნებსა და სისტემურ გამოწვევებს.

პროგრამის შინაარსი და მეთოდები განსაკუთრებით გამოსადეგი იქნება ბიზნესის წარმომადგენლებისთვის, პროდუქტის მფლობელებისთვის, სტარტაპერებისთვის და ყველა პროფესიონალისთვის, ვინც მონაწილეობს კომპლექსური ამოცანების გადაწყვეტაში და ვისთვისაც მნიშვნელოვანია მომხმარებლის საჭიროებების გააზრება და სტრატეგიულ დონეზე რეაგირება.

კურსი აერთიანებს სტრატეგიული დიზაინისა და დიზაინ ფიქრის ინსტრუმენტებს და აქცენტს აკეთებს მომხმარებლის კვლევის, პრობლემის გადააზრების, იდეების გენერირების, პროტოტიპირების და მტკიცებულებაზე დაფუძნებული გაუმჯობესების უნარების განვითარებაზე.

რვა პრაქტიკული სესიის განმავლობაში, მონაწილეები მცირე ჯგუფებში იმუშავებენ რეალურ ამოცანებზე და შეისწავლიან, როგორ გადმოიტანონ დიზაინ ფიქრის მიდგომა საკუთარ სამუშაო გარემოში.