წიგნის ხელოვანი, ილუსტრატორი, დიზაინერი, კურატორი, სტუ დიზაინის საერთაშორისო სკოლის მოწვეული პროფესორი, თბილისის წიგნის ხელოვნების ცენტრის დამფუძნებელი და ხელმძღვანელი, ერთ-ერთი პირველი დამოუკიდებელი ქართული გამომცემლობის, „დიოგენეს“ თანადამფუძნებელი, საბავშვო ლიტერატურისა და ილუსტრაციის პირველი ქართული კერძო კონკურსის თანაორგანიზატორი, საქართველოს გამომცემელთა ასოციაციის თანადამფუძნებელი და საქართვფელოს კოლექტიური სტენდის კურატორი ფრანკფურტის წიგნის ბაზრობაზე, ვირტუალური გამომცემლობა „ვირგამის“ დაფუძნებელი, თბილისის წიგნის ხელოვნების ცენტრი - არასამთავრობო ორგანიზაციის დამაარსებელი, ქართული საბავშვო ილუსტრაციის განვითარებაში შეტანილი წვლილისთვის თბილისის წიგნის ხელოვნების ცენტრი ორჯერ ზედიზედ იყო წარდგენილი ასტრიდ ლინდგრენის მემორიალურ პრემიაზე საქართველოს მხრიდან, ყოველთვიური სერია 1/16 - ქართველი ფოტოგრაფებისა და ხელოვანების არტ- და ფოტოწიგნების დამფუძნებელი.

ფოტოგრაფი, ქუჩის, რეპორტაჟული, დოკუმენტური და კონცეპტუალური ფოტოს მიმართულებებით, პროექტ ''ვიზუალური ბანკის'' თანადამფუძნებელი, ფოტოგალერეა ''კონტეინერის'' თანადამფუძნებელი, ჟურნალ ''ფოოტოგრაფიის'' თანარედაქტორი, დამოუკიდებელ ჟურნალისტთა კავშირის წევრი, საქართველოს მხატვართა კავშირისა და ფოტოხელოვანთა კავშირების წევრი, არის 200-მდე ჯგუფური გამოფენის მონაწილე, ამას გარდა, გაკეთებული აქვს 40 პერსონალური გამოფენა და გამოქვეყნებული აქვს სტატიები ფოტოგრაფიასა და თანამედროვე ხელოვნებაზე, სხვა დროს გაკეთებული აქვს სერიები: „ულისე“ (1988) „ნერგები“ (1994), „განმარტებები“ (2002), „საღეჭი გოგოები“ (2002) და სხვ. მისი ნამუშევრები დაცულია სხვადასხვა ქვეყნის მუზეუმებში, ასევე კერძო კოლექციებში გერმანიაში, აშშ-ში, ჰოლანდიასა და საქართველოში.