სოციალური დიზაინის დღეების მეხუთე გამოცემა მიეძღვნება ურბანულ კულტურას და დიზაინისა და არქიტექტურის გავლენას სოციალურ გარემოზე, ტენდენციებსა და სუბკულტურებზე.

კონფერენცია შეისწავლის, თუ როგორ აყალიბებს ურბანული და სუბურბანული მოძრაობები სოციალურ ცხოვრებას, გარდაქმნის ქალაქებსა და საზოგადოებებს და გავლენას ახდენს არქიტექტურაზე, დიზაინზე, მუსიკასა და ურბანულ გარემოზე. ასევე, ისტორიული მოძრაობების, საკულტო სიმბოლოების, ადგილობრივი ისტორიებისა და თანამედროვე შემოქმედებითი გამოხატვის ფორმების მეშვეობით, კონფერენცია ურბანული კულტურის განვითარებას მიმოიხილავს.

სხვადასხვა ქვეყნის, სფეროსა და თემის წარმომადგენლები საკუთარ იდეებს ლექციების, დისკუსიების, ვორკშოპების, გამოფენების, ქალაქის ტურებისა და მულტიმედიური გამოცდილებების საშუალებით გააზიარებენ.

დამატებითი ინფორმაცია სპიკერების, მონაწილეებისა და სესიების შესახებ პერიოდულად განახლდება.

ჩვენი პარტნიორები: Polish Graphic Design, პოლონეთის ინსტიტუტი თბილისში, ჩეხეთის ცენტრი თბილისში, ჩეხეთის რესპუბლიკის საელჩო საქართველოში, თიბისი ბანკი, McDonald’s საქართველო, Tegeta Green Planet, Georgian Sun, Red Bull, Kona Books, Wasteless.

მედია პარტნიორები: Marketer.ge და BMG - Business Media Georgia.

კონფერენცია ჩატარდება ინგლისურ ენაზე.

ბილეთის ფასი სამივე დღეზე დასასწრებად 50 ლარია