მეტრო ფროდაქშენის კურსი მოგცემს საშუალებას სრულად გაეცნო და შეისწავლო ვიდეო წარმოების სამუშაო გარემო, საერთაშორისო სტანდარტების მუშაობის პრინციპები და გაეცნო ყველა მნიშვნელოვან ეტაპს, რომელიც ვიდეო წარმოების შემადგენელი ნაწილია. გაეცნობი პროექტის დაბადებიდან მის საბოლოო დასრულებამდე ყველა ნაბიჯს. მოგეცემა შესაძლებლობა ისწავლო, როგორ მართო პროცესები, როგორ შეძლო დროის მენეჯმენტი, ბიუჯეტის სწორი გადანაწილება, ისწავლო გუნდური და სტრუქტურული მუშაობა. გაეცნობი მეტრო ფროდაქშენის მიერ შესრულებული ქართული და საერთაშორისო პროექტების ქეისებს. სასწავლო პროცესის განმავლობაში, საშუალება გექნება მიიღო მონაწილეობა მიმდინარე პროექტების გადასაღებ პროცესებში. გაითავისებ, თუ რა ეტაპების გავლა არის საჭირო ფილმისა თუ რეკლამის გადასაღებად - დაწყებული სცენარის წაკითხვიდან, გადაღების ბოლო დღემდე. გაიგებ, ვინ შეადგენს გადამღებ ჯგუფს, ისწავლი როგორ უნდა გაუძღვე გადაღებას და რაც მთავარია, როგორ უნდა დაგეგმო გადაღება.

კურსის ფარგლებში გამოყენებულია შემდეგი მეთოდები:

ახსნა–განმარტებითი მეთოდი, რომელიც გულისხმობს საწარმოო პროექტის დაგეგმვის და მართვის პრინციპების დაწვრილებით განხილვას, პროცესში მოწვეულ სტუმრებთან შეხვედრებს და ინტერაქციას. სამუშაო პროცესის კონტროლს და მენტორებთან შესრულებას.

კეთებით სწავლების მეთოდი, ქმედებაზე ორიენტირებული სწავლება, როდესაც სტუდენტი დამოუკიდებლად ან გუნდური წესით მუშაობს გადაღების საწარმოო პროცესის დაგეგმვაზე, ასრულებს ყველა ეტაპს დასახული მიზნის მისაღწევად, ამზადებს პროექტს საპრეზენტაციოდ. რაც თავის მხრივ, არის მიღებული ცოდნის გაცნობიერება და პრაქტიკულად შესრულება.