ეს კურსი ბრენდის სტრატეგიის მოკლე სახელმძღვანელოა დიზაინერებისთვის და შემოქმედებით სფეროში მომუშავე ადამიანებისთვის. მისი მიზანია გაუღრმავოს მონაწილეებს ბრენდის სტრატეგიის ცოდნა და აღქმა, საბაზისო დონეზე აუხსნას, თუ რას ნიშნავს სტრატეგიული ბრენდინგი, როგორ ზეგავლენას ახდენს ბრენდებზე ის ვიზუალური ელემენტები და გაშლები, რომელსაც დიზაინერი და კონტენტ გუნდი ქმნის, როგორ იკითხება სტრატეგიული დოკუმენტი, რას ნიშნავს არქეტიპი, პოზიციონირება და სხვა ელემენტები, რომელიც ერთობლიობაში ქმნის ბრენდს. ყველაზე მთავარი, რაც კურსის ლექტორისგან შეგიძლიათ ისწავლოთ - რა როლი აქვს ბრენდის დიზაინერს ბრენდის მშენებლობის პროცესში, რა არის ბრენდის ტონალობა და ვიზუალური სტილი, როგორია ცოცხალი ბრენდინგის და დიდი საერთაშორისო და ქართული ბრენდების მაგალითები.