ილუსტრატორი, ციფრული ილუსტრატორი, პრინტის დიზაინერი, გრაფიტი არტისტი, კონცეპტ არტისტი, არტ დირექტორი. George Gamez Publishing-ის, Gifts by Gamez-ისა და George Gamez Creative Studio-ის დამფუძნებელი. 2023 წელს საფუძველი ჩაუყარა ყოველწლიურ ფესტივალს - Street Art Fest Tbilisi. თბილისის სამხატვრო აკადემიის არქიტექტურის ფაკულტეტის კურსდამთავრებული, სივრცის დიზაინისა და მონუმენტური მოხატვის მიმართულებით.

ფოტოგრაფი, ქუჩის, რეპორტაჟული, დოკუმენტური და კონცეპტუალური ფოტოს მიმართულებებით, პროექტ ''ვიზუალური ბანკის'' თანადამფუძნებელი, ფოტოგალერეა ''კონტეინერის'' თანადამფუძნებელი, ჟურნალ ''ფოოტოგრაფიის'' თანარედაქტორი, დამოუკიდებელ ჟურნალისტთა კავშირის წევრი, საქართველოს მხატვართა კავშირისა და ფოტოხელოვანთა კავშირების წევრი, არის 200-მდე ჯგუფური გამოფენის მონაწილე, ამას გარდა, გაკეთებული აქვს 40 პერსონალური გამოფენა და გამოქვეყნებული აქვს სტატიები ფოტოგრაფიასა და თანამედროვე ხელოვნებაზე, სხვა დროს გაკეთებული აქვს სერიები: „ულისე“ (1988) „ნერგები“ (1994), „განმარტებები“ (2002), „საღეჭი გოგოები“ (2002) და სხვ. მისი ნამუშევრები დაცულია სხვადასხვა ქვეყნის მუზეუმებში, ასევე კერძო კოლექციებში გერმანიაში, აშშ-ში, ჰოლანდიასა და საქართველოში.